XX. mendeko Euskararen Corpus estatistikoa

Testuingurua

Zer gertau da?.

Diru-ori bere baltzikeri ta zapokeriaren zigor biurtu jako....

Diru-zalekeria asetu dau, baña bere kalterako... Artega ta urduri dabil....

Bakerik ezin dau idoro....

Berak saldu daben Jesus'i zer etorriko ete jakon jakin gurarik, Abade Nagusiaren etxaldera doa....

Gabeko epaikunde bitartean Jesus'i emon dautsen belarrondokoa ikusi dau....

Emon dautsen eriotz epaia entzun dau....

Morroiak Jesus'i egin dautsezan irañak jakin dauz....

Pedro'ren koldarkeriak be bai....

Jesus'en arazua, berak uste baño okerrago ta gogorrago ikusi dabenean, Juda bildur-ikaraz ta samintasunez bete da....

Judutarrak Bere Irakaslea orren bestean gorroto ebenik ez eban uste....

Goizeko batzarrean zer erabagiko ete zan, larri egoan Juda....

Ezin lorik egin....

Biotza larri... gotargia (kontzientzia) baltz ta asarre nabaitzen dauz....

Bere buruagan ezin bakerik idoro....

Goizeko batzar osoa batzaldu zaneko, an, bazter baten, buru-makur egoan Juda... zidarrezko ogetamar txindiak sakelean... begi ta belarri adi adi....